HENDAIAKO HONDARTZAN

Kaixo, ikasleok!!!
Gaur hondartzara joan gara. Zuen portaera on-ona eskertu nahi nizueke.
Lixy oso ondo jarri da. Anbulantzian bertan askoz hobeto zegoen. Denon laguntza eskertzekoa da.
Oso majoak zarete, benetan!!!
Ondo izan eta bihar arte.

Osteguneko TXANGOA

Aupa, ikasleok!!!
Ainhoarekin hitz egin ondoren, datorren ostegunean hondartzara joan gaitezkeela jakinarazi nahi dizuet.

Beti bezala, gelara joango gara, bertatik abiatuko baikara.

OINEZ, Hendaiako hondartzara joan-etorria egingo dugu. Bidea luze samar denez, oinetako egokiak eramatea behar-beharrezkoa da. Horretaz aparte, beste zenbait gauza kontuan izango dugu:

BIDEAN
- Denbora guztia EUSKARAZ mintzatuko gara.
- Ibilbidea BINAKA egingo dugu, LERROAN. Bestela espaloi guztia hartuko genuke, eta jendeari traba egingo genioke.
- Taldea ELKARTURIK joango gara, aurrekoekin hutsunerik utzi gabe, semaforoak-eta modu egokian zeharkatu ahal izateko.
- Bidetik EZ dugu ZARATARIK egingo, normal-normal hizketan joango gara.

HONDARTZAN
- EREMU bat hartuko dugu eta bertatik EZ gara aterako.
- EZ dugu ZARATARIK egingo.
- HURBIL egon daitekeen jendeari erreparatuko diogu.
- BAINATU nahi duena EZIN da joan irakasleok esan arte.
- Uretan ZILBORRARAINO bakarrik sar daiteke.
- "Aguadillak" egitea guztiz DEBEKATUTA dago (edo hondarra bota...)


ZER ERAMAN
- Toalla
- Bi bainu-jantzi
- Ibilbidea egiteko oinetako aproposak
- Eguzki-krema
- Txanoa
- Hamaiketakoa
- (Nahi izanez gero, hondartzako jolasa arinak: erraketa finak, diska hegalaria, petanka...)

ZER UTZI ESKOLAN
- Kexak eta protestak
- Gaztelania

Dena momentuan eta buruz egiten ari naiz.
Zerbait garrantzitsua ahazten ari zaidala ikusten baduzu, idatzi hemen.

Eguraldi ona enkargatuta dago. Giro ona eta goxoa guk egin beharko dugu.

Bihar arte.

TXANGOA

Aupa, ikasleok!!!
A ze pozik nagoen azkeneko hilabetean gelan egin duzuen euskeraren erabilpenarekin!!!
Ondo dakizuenez, lehiaketa bat egin genuen bi gelen artean.
Bi gelek oso puntuazio altua lortu duzuen arren, 6.Bkoek irabazi dute hiru puntuengatik. Horrexegatik beraiei tokatu zaie txangoa egitea.

Gaur gelan horretaz hitz egin dugu. Mendia ala hondartza eskaini diet. Gehiengoek HONDARTZA aukeratu dute.

Hala ere, 6.Bkoek erabaki bat hartu dute: 6.Akoak txangora gonbidatzea. Izan ere, puntuazioa oso altua izan da bi kasuetan, eta momentu politak denok konpartitzea ideia ona iruditu zaie.

Beraz, datorren astean horretaz hitz egin beharko dugu.

Dena den, Ainhoarekin hitz egingo dut, gurekin etorri ahal izateko.

Bueno ba, ondo pasa asteburua (prestatu ondo Inguru) eta astelehena arte.

Xabi

ARRITXULORA!!!

Datorren ostegunean Arritxulora joango gara. Eguraldiak ez digula asko lagunduko ematen du, baina guri, bost axola!!! Dena den oso ondo pasako dugu.

Gogoratu zenbait gauza eramatea:
Lozorroa
Mendiko botak( ez baduzu, EZ EROSI!, uretako oinetakoak eraman eta kitto)
Galtzerdi potoloak, logelatik ibiltzeko (zapatillak nahiago badituzu, eraman)
Pijama
Nezeserra
Xukadera ertaina
Eguzkitako krema (zertarako?)
Zira
Motxila txikia
Urontzia (hutsa)
Arropa zikinetarako poltsa

Beharrezkoa baldin bada, jarri zure izena jantzietan edo lozorroan.


ZER EZIN DA ERAMAN?
Linterna
Mugikorra
Argazki-kamera
Janaria edo edaria

Zalantzaren bat izanez gero, esan.

OSO-OSO ONDO PASAKO DUGU!!!

Maiatzako ekintza bereziak!!!

A ze azkar pasatzen ari den ikasturte hau!!!

Dagoeneko maiatzaren erdian gaude, eta ekintza berezi hauek egitekotan ditugu:

-   16an:  SANTA JUANAREN OSPAKIZUNA.

-   20an:   BERTSO JAIALDIA. Amaia Kultur Zentruan ospatuko dugun ekintza. Ea zuen gurasoek joateko aukera duten.

-   28 eta 29an: ARRITXULORA IRTEERA. Bi egun elkarrekin primeran pasatzeko aukera aparta!!!

Gauza hauei buruz iruzkinik utzi nahi baduzu, edo zalantzaren bat baldin baduzu, IDATZI HEMEN.

Ondo izan.

Redes sociales. Buenas practicas

El lunes tuvimos la reunión sobre este tema. El grupo de padres que asistió fue muy reducido. Algunos padres tuvisteis problemas para asistir a esa hora; a otros padres, me consta, no les llegó la circular que entregamos a los alumnos; otros, por supuesto, optaron por no venir porque no les interesaba el tema lo suficiente.

Sea cual sea vuestro caso, optamos por publicar en este blogg el power point que preparó Marta. Pensamos que no está de más poder verlo padres e hijos juntos y poder comentar aquello que os parezca interesante.

Es verdad, como ha comentado una familia, que todo esto es muy nuevo y va muy deprisa. ¡Yo he necesitado la ayuda de Gorka para poder publicarlo!

Un saludo a todos.

Buenas practicas en las redes sociales

Publish at Calameo or read more publications.

MATEMATIKA LANTZEKO BI HELBIDE

Kaixo, ikasleok!
Zer moduz matematika?  Ondo?  Bada, primeran.
Ez hain ondo? Bada, hemen utziko dizkizuet praktikatzeko aproposak izan daitezkeen bi helbide.  Behar badituzu, aprobetxatu eta erabili:

.http://ceiploreto.es/

http://recursosauladeapoyo.blogspot.com.es/


Animo, neska-mutilak! Ea ondo etortzen zaizuen!!

BAKEAREN EGUNA

Kaixo, ikasleok!

Datorren ostegunean Bakearen Eguna ospatu nahi dugu. Ez dakit posible izango den, izan ere, eguraldi txarra iragarri dute aste osorako.
Hala ere, guk pentsatutako guztia prestatu egingo dugu.

Ospakizunaren bukaeran, batzuk bi bertso botako dituzte. Bertso horiek buruz ikasten badugu, hobeto. Horrexegatik, hemen behean agertzen zaizkizue:

SAN VICENTE DE PAUL                   LA SALLE                    EL PILAR

B A K E A R E N      E G U N A

(Doinua:  “Orioko  balea”)

Ez badakizu zer den

“BAKEA” zuk galde,

horixe azaltzeko

plazan hiru talde,

barruko maitasuna

ematea debalde;

lan egin dezagun guk

Bakearen alde.

Ta bakearen alde

nola egiten da lan?

Ahal didazue, mesedez,

garbi-garbi esan?

Nahiz ta arazoak aurkitu

hemen, hor eta han,

zure inguruan eskua

eta bihotza eman.

IKASI  ETA  PRAKTIKATU!!!!